زائر
زائر
 |  موضوع: شهرة الفضايح  الثلاثاء مايو 27, 2008 11:52 pm | |
| ما في المثايل شرد لا جيب بقول
ولا أعدها إلا في مراحي منايح
تجتال في عقلي مثل جولة الجول
وادوج فيه جاي وادوج رايح
وأصول في قيفان لا احتجت وأجول
واختار فيها خيرتي في الذبايح
واحدد المقصود وأقول وأطول
وأخير بيبان القصيد النصايح
لكن باب النصح ذالحين مقفول
دامه مارد اللي ع الدرب شايح
ياللي لك البارح مزامير وطبول
وناس تحسب أن القصيد المصايح
صاحي وتلبس للعرب ثوب مهبول
وبنيت لك شهره عمدها الفضايح
بـنـيــتها تبغي ذراها على طول
وقامت عمدها فوق راسك تطايح
أليا تقابلنا فعابل ومعبول
وان رحت جاني من طورا فك صايح
واللي تنيشن لك علينا وهي حول
وتغرك اتبصفيقها والمدايح
وتعطيك فالصفحات بالعرض والطول
وتضيع الساري بفر اللوايح
لو الشعر منها مصفى ومشخول
ما شيف صدر الحلم بالغيض فايح
أخطيت في حق النشاما قبل حول
وخلوك حشمه في (000) سايح
وعدت الخطأ كنك تحسب أنهم خبول
وإلا خفاهم فالقصيد الروايح
لحقت بلسانك أهل هجن وخيول
اللي جميع خرفانهم لك سبايح
حصانهم ذيله من الريح منسول
وبيرق هله يكفخ ولا شيف طايح
وتلحق بيوتك عذر ما هوب مقبول
قد سد صبر اصبر هل الصبر بايح
وذا الحين قد راسك ما بين الحي فحول
والبرق فوقك كل كم يوم لايح
كأنك تبي دفن البحر فأنت مهبول
تطلع عليك السالفة في الجوايح
حتيش لو تأخذ بشهر أبو الهول
وش خانه الشهرة وهي بالفضايح
لمحمد بن فطيس |
|
