شعر جـــــــــــرج القــــــــــــــلب

زائر

جرح القلب

الناس تفرح بالهبيب وأنا أنحاس
لأنه يحرك عله محتويها
روحي تعذب كلما هب نسناس
تقول ماكن المحاني عليها
يزيد جرح القلب والقلب حساس
حتى نسانيس الهوى ما يبيها
ومن عادتي لأدك فالصدر هو جاس
اشرد بنفسي في الخلا واحتديها
الناس والدنيا منازل بلا ساس
رحيلها وان طولت مقتفيها
ومن هي رصيد له تواليه لفلاس
وبيموت ما شاف الغنى من حديها
هذي هي الدنيا هذي هي الناس
خسران من علق هقاويه فيها
غراره فيها الرجا كنه الياس
حتى ولو جادت فمنها واليها
اللي يلاقي وجها الشين ينداس
واللي يلاقي زينها يهتويها
كم من رفيع خلته يرخي الرأس
وكم من وضيع خلته يعتليها
يشوف فيها العاقل أشكال وأجناس
يزهدبها ويراقب اللي يليها
فلا باس يا شكاية الوقت لا باس
عند المدبر دبرة نحتريها

لـ عبد الرحمن بن بديع